Ahal welaýatynyň Kaka etrabynda ekinleri zyýankeşlerden we kesellerden goramak maksady bilen biokärhanalaryň 17-si döredildi. Olaryň möwsüme irki möhletde taýýarlanylmagy etrabyň daýhanlarydyr ýer eýeleriniň şanly ýyly zähmet üstünligine beslemegi maksat edinýändigini alamatlandyrýar.
Ekinlerden ýokary hasyly öndürmekde bioönümleriň ähmiýetiniň uludygyna oňat düşünýän etrabyň degişli hünärmenleri biokärhanalaryň degişli enjamlardyr serişdeler bilen üpjünçiligine aýratyn ähmiýet berýärler. Biokärhanalarda trihogrammalaryň we altyngözlüjeleriň ylmy esasda köpeldilmegi boýunça ähli şertlerdir mümkinçilikler göz öňüne tutuldy. Bu ýerde köpeldiljek peýdaly bioönümler möwsümde oba zähmetkeşleriniň «ganatly kömekçilerine» öwrüler.
Teswirler