Türkmenistanyň Medeniýet ministrligi, Türkmenistanyň Kärdeşler arkalaşyklarynyň Milli merkezi, «Edebiýat we sungat» gazetiniň redaksiýasy Medeniýet we sungat işgärleriniň hem-de Magtymguly Pyragynyň şygryýet güni mynasybetli «Medeniýet we sungat — kalbyň çyragy, dünýä akyldary dana Pyragy» atly döredijilik bäsleşigini yglan edýär.
Döredijilik bäsleşigine hödürlenýän makalalarda, goşgudyr hekaýalarda Gahryman Arkadagymyzyň «Hakyda göwheri», hormatly Prezidentimiziň «Magtymguly — dünýäniň akyldary» atly kitaplarynda öňe sürülýän gymmatly pikirleri giňden wagyz etmek, milli medeniýetimizi, sungatymyzy, edebiýatymyzy has-da ösdürmek ugrunda alnyp barylýan işler, Magtymguly Pyragynyň ömri, döredijiliginde öňe sürülýän watançylyk, agzybirlik, ynsanperwerlik, halallyk ýaly belent pikirleriň manysy çeper beýan edilmelidir.
Bäsleşige gatnaşyjylar eserlerini edebiyatwesungat@sanly.tm we sanlymedeniyet@internet.ru electron salgylaryna ibermeli. Eserler 2025-nji ýylyň 31-nji maýyna çenli kabul edilýär.
Döredijilik bäsleşigi şu ýylyň iýun aýynda jemlener. Ýeňijilere bäsleşigi guraýjylar tarapyndan Hormat hatlary we ýadygärlik sowgatlar gowşurylar.
Bäsleşikleriň düzgünnamalary Türkmenistanyň Medeniýet ministrliginiň www.medeniyet.gov.tm saýtynda ýerleşdirilýär.
Habarlaşmak üçin telefon belgilerimiz: 44-00-71, 38-62-33.
Teswirler