2024-nji ýylda Ýurdumyzyň ykdysady ösüşi, oba hojalygyndaky ýokary öndürijilik we sanly tehnologiýalaryň giňden ornaşdyrylmagy halkara jemgyýetçiliginiň ünsüni çekdi. Türkmenistandaky bilim we sport ulgamlaryndaky üstünlikler bolsa ýaş nesliň geljege bolan ynamyny has-da pugtalandyrdy.
Türkmen döwlet ykdysadyýet we dolandyryş instituty hem bu ösüşleriň aýrylmaz bölegine öwrüldi. Institut bilim, ylym we tehnologiýa ugurlarynda birnäçe möhüm çäreleri üstünlikli geçirip, halkara derejesindäki abraýyny has-da ýokarlandyrdy.
Startup bäsleşigi geçirildi
Türkmen döwlet ykdysadyýet we dolandyryş institutynda “Startup, täjirçilik pikiri we taslamasy” atly bäsleşigiň jemleýji tapgyry geçirildi. Bu çäräniň maksady ýaş zehinleriň innowasion başlangyçlaryny goldamakdy.
- I orun: Aşyr Jumagulyýewiň “Aşyr” atly gaty galyndylary gaýtadan işleýän kärhanasy.
- II orun: Yhlas Kerimow we Azat Orazgeldiýewiň “GymBuddy” atly ýöriteleşdirilen online fitnes programmasy.
- III orun: Ymamhasan Abaýewiň “Logistika ulgamy üçin Mobil programma” taslamasy.
Ýeňijilere gymmat bahaly sowgatlar gowşuryldy, bu bolsa ýaş zehinleriň geljekde has uly üstünliklere ýetmegine itergi berdi.
Türkmenistan-Ermenistan hyzmatdaşlygy güýçlenýär
2024-nji ýylda bilen Türkmen döwlet ykdysadyýet we dolandyryş instituty bilen Ermenistanyň Döwlet ykdysadyýet uniwersitetiniň arasynda bilim hyzmatdaşlygy has-da giňeldi. Professor Narek Karapetýanyň türkmen talyplary üçin geçiren okuw sapagy iki ýurduň arasyndaky ynsanperwer gatnaşyklaryň ösdürilýändigini görkezdi. Mundan başga-da, türkmen we ermeni uniwersitetleriniň arasynda täze ylalaşyklar gazanyldy.
Türkmenistan 2025-nji ýyla buýsanç we ynam bilen gadam basýar. Sebitiň hem-de dünýäniň durnukly ösüşine uly goşant goşýan döwlet hökmünde ýurdumyzy has-da öňe çykarmak, täze mümkinçilikleriň gapysyny açmak üçin giň mümkinçilikler bar.
Türkmenistanyň täze ýyly üstünlikler, ösüş we belent maksatlar bilen garşylamagy ýurdumyzy geljege has ynamly ädimler bilen alyp barýar.
Rüstem ATAÝEW,
Türkmen döwlet ykdysadyýet
we dolandyryş institutynyň
Ykdysadyýet fakultetiniň dekany.
Teswirler