Döwlet howpsuzlyk geňeşiniň sekretary, Türkmenistanyň Prezidentiniň ýanyndaky Raýatlyk we günä geçmek meseleleri boýunça teklipleri taýýarlamak baradaky toparyň başlygy B.Gündogdyýewe söz berildi. Ol iş kesilen adamlaryň Halkara Bitaraplyk güni mynasybetli günäsini geçmek boýunça alnyp barlan işler barada hasabat berdi.
Hormatly Prezidentimiz hasabaty diňläp, asylly däbe eýerip, iş kesilen 276 raýatyň Halkara Bitaraplyk güni mynasybetli günäsini geçmek baradaky Permana gol çekdi.
Döwlet Baştutanymyz toparyň ýolbaşçysyna we hukuk goraýjy edaralaryň ýolbaşçylaryna, günäsi geçilen adamlary tussaglykdan boşadyp, olaryň gysga wagtda öýlerine we maşgala agzalarynyň arasyna dolanmagy üçin ähli zerur çäreleri görmegi tabşyrdy.
Şeýle hem hormatly Prezidentimiz günäsi geçilen adamlara eziz Watanymyza yhlasly zähmet çekip, halal we ak ýürekden hyzmat etmegi, halal zähmetiň hözirini görüp ýaşamagy arzuw etdi.
Teswirler