Güneşli Diýarymyzyň her bir güni ösüşlere we özgerişlere beslenýär. Halkymyzyň gadymdan bäri gelýän hoşniýetli, parahatsöýüji, ynsanperwer edim-gylymlary ýurdumyzyň daşary döwletler we beýleki halklar bilen oňyn bitaraplyk syýasatyny alyp barmaga uly mümkinçilik döredýär. Oňyn Bitaraplyk syýasaty ýurdumyzda her bir ynsanyň azat, erkin durmuşda ýaşamagy, goňşy döwletler bilen bile agzybir, hoşniýetli gatnaşmaklarynyň nyşanydyr. Türkmenistanyň Bitaraplygy beýleki döwletleriň bitaraplygyndan üýtgeşikdir. Ýurdumyzyň bitaraplygy – hemişelik bitaraplykdyr. Ata Watanymyz Türkmenistan ynsanperwerlik ýörelgelerine eýerip, ähli döwletleriň halklarynyň arasynda uruş-dawalaryň, tebigy betbagtçylykly hadysalaryň, keselleriň, betbagtçylyklaryň bolmagynyň öňüni almak baradaky tagallaryň tarapdarydyr.
Ýurdumyzyň taryhynda altyn harplar bilen ýazylan 1995-nji ýylyň 12-nji dekabry hemişelik bitaraplyk derejesiniň berilmegi bilen belli bolan senedir. Gysga döwrüň içinde birnäçe daşary ýurt döwletleri we halkara guramalar Türkmenistan bilen aragatnaşygy ýola goýup, il bähbitli, ýurt ähmiýetli çäreleriň birnäçesi durmuşa geçirildi. Geçen 29 ýylyň içinde eziz Diýarymyzda ykdysadyýetiň ähli pudaklarynda, syýasatda, medeniýetde, ylymda, bilimde gazanylan ägirt uly netijeler we zähmet üstünlikleri sanardan juda kän. Bu hem bolsa türkmeniň goşa bagty hasaplanylýan Garaşsyzlygyň we hemişelik bitaraplygyň türkmen halkyna eçilen miweleridir.Şeýle ajaýyp zamanada Garaşsyz, baky Bitarap döwletde ýaşaýan her bir türkmen raýatynyň guwanmaga we buýsanmaga doly haky bar.
Ýurdumyzy ösüşlerden ösüşlere, özgerişlerden özgerişlere sary alyp barýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza köp minnetdardyrys! Goý, türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun! Alyp barýan döwlet syýasatlary üstünliklere beslensin!
Baky NEPESOW
Myrat Garryýew adyndaky
Türkmenistanyň döwlet lukmançylyk
uniwersitetiniň Epidemiologiýa
kafedrasynyň mugallymy
Teswirler