Myrat Garryýew adyndaky Türkmenistanyň Döwlet lukmançylyk uniwersiteti 2024-nji ýylyň 2-nji dekabrynda ýurdumyzyň ýokary okuw mekdepleriniň talyplaryny “Ekologiýa we daşky gurşawy goramak” dersi boýunça geçiriljek internet olimpiadasyna gatnaşmaga çagyrýar.
Bu olimpiada, Berkarar döwletiň täze eýýamynyň Galkynyşy döwründe, Hormatly Prezidentimiziň daşky gurşawy goramak we ekologiýa abadançylygyny üpjün etmek boýunça alyp barýan strategiýasyna esaslanyp guralýar. Maksat ýaş nesilleriň ekologiýa baradaky düşünjelerini we endiklerini kämilleşdirmek, zehinli talyplary ýüze çykarmak, ylmy-döredijilik işine höweslendirmek hem-de dostlukly bäsdeşlik we hyzmatdaşlyk arkaly ekologiki meseleleri wagyz etmekdir.
Olimpiada boýunça usulyýet görkezmeleri:
1. Guramaçylyk topary tarapyndan gatnaşyjy talyplara her ders boýunça ulanyjynyň ady (login) we parol ýokary okuw jaýyndan sargyt alynan elektron poçta olimpiada başlamazyndan bir gün öň ugradylýar.
2. Ulanyjynyň ady (login) hem-de paroly bir gezek ulanmaga niýetlenendir we ony guramaçylyk topary tarapyndan bellenen güni, görkezilen sagatda ulgamagirmek üçin ulanyp bolýar.
3. Ulgama girenden soň kitap, depder ýa-da beýleki kömek beriji serişdeleriň ulanylmagy gadagan edilýär.
4. Size berilen ulanyş sahypasy açylandan soňra ony ýygnap başga saýtlara girmek ýa-da sahypa açmak düýbünden gadagan edilýär.
5. Telefon, smartfon ýa-da beýleki gadžetlerden peýdalanmak gadagan edilýär.
6. Talyplaryň netijeli işlemegi üçin kagyz, ruçka bilen ýokary okuw mekdepleri üpjün edýärler.
7. Olimpiada gatnaşyjylara bäsleşikde berilýän 100 sany test soraglaryny çözmek üçin 120 minut wagt berilýär.
8. Ekologiýa we daşky gurşawy goramak dersi boýunça bäsleşik 2024-nji ýylyň 2-nji dekabrynda sagat 10:00 – da başlanýar. Bäsleşik başlamazdan 30 minut öň olimpiada gatnaşyjylar ulgama girmeli we bäsleşigiň açylmagyna garaşmaly.Bäsleşik açylmadyk ýagdaýynda sahypany täzelemeli (obnowit etmeli).
9. Olimpiada gatnaşmak üçin Google Chrome Internet brauzerini ulanmak maslahat berilýär.
10. Bäsleşik wagtynda mugallymlar gözegçi hökmünde gatnaşmaly däldir. Talyplaryň web kamera arkaly gözegçilikde bolmagy hökmanydyr.
Olimpiada ulgama şu adresten girilýär: tdlu.nesil.edu.tm.
Guramaçylyk işleri boýunça soraglar üçin Bägül Möwlamowa bilen habarlaşyp bilersiňiz: +993 62 874774 / +993 12 489927.
Guramaçylyk topary
Myrat Garryýew adyndaky TDLU
Teswirler