Russiýa Federasiýasynyň Başgyrdystan Respublikasynyň paýtagty Ufa şäherinde 17-19-njy sentýabry aralygynda geçirilen GDA agzaýurtlaryň döredijilik we ylmyintelligensiýasynyň XVII forumynaýurdumyzyň wekiliýeti gatnaşdy.
«Garaşsyz Döwletleriň Arkalaşygy: umumygymmatlyklar we medeniýetleriň köpdürliligi» ady bilen geçirilen bu foruma Garaşsyz döwletleriniň arkalaşygyň ýurtlaryndan 200-den gowrak wekilleri gatnaşdy.
Forumda GDA agza ýurtlaryň arasynda döredijilik we ylmy ugurlarda hyzmatdaşlyk etmegiň meýilnamalaryny ara alnyp maslahatlaşyldy we bilelikde işlemegiň ileri tutulýan ugurlary hem-de görnüşlerikesgitlenildi.
Umumy mejlislerde we ugurdaş bölümçelerde ylym, bilim, medeniýet we sungat wekilleri hünär taýdan özara gatnaşyklaryň dürli ugurlaryna, bilim ulgamynda hyzmatdaşlyk etmegiň täze görnüşlerine, jemgyýeti ösdürmegiň serişdesi hökmünde meýletinçilige, medeniýetara dialogyny kemala getirmekde ýakynlaşmak ýagdaýlaryna garaldy.
Çäräniň çäklerinde GDA-nyň ugurdaş ynsanperwer birleşmeleriniň ýolbaşçylarynyň duşuşyklary, kinematografiýaçylaryň, döredijilik ugurly ýokary okuw mekdepleriň ýolbaşçylarynyň, ählumumy taslamalary guramak boýunça hünärmenleriň tegelek stollary geçirildi.
Forumyň çäklerinde däp boýunça geçen ýylyň netijeleri jemlendi, bilelikde hereket etmegiň meýilnamalary maslahatlaşyldy, ylym, bilim, medeniýet, maglumat, syýahatçylyk, sport we ýaşlar bilen işleşmek babatda özara gatnaşyk etmegiň has möhüm meseleleri boýunça teklipler taýýarlanyldy.
Forumda ýurdumyzyň wekilýeti gatnaşyp, ýudumyzda ylmy, döredijilik we bilim ugurlarda alnyp barylýan işler baradaky çykyşlary aýratyn mana eýe boldy. Forumda Türkmenistanyň Döwlet simfoniki orkestri,Resul Gylyjowyň ýolbaşçylygynda geçiren bilelikdäki konserti çärä gatnaşyjylarda aýratyn täsir galdyrdy.
Forumuň dowamynda indiki 2025-nji ýyldaky GDA agza ýurtlaryň döredijilik we ylmy intelligensiýasynyň XVIII forumynynyň Azerbeýjan döwletiniň Laçin şäherinde geçiriljekdigi kesgitlenildi.
Amanmyrat Arazow,
Türkmen döwlet binagärlik-gurluşyk
institutynyň Ylym bölüminiň başlygy.
Teswirler