Ýewropanyň täzeleniş we ösüş bankynyň 2024-nji ýylda Merkezi Aziýanyň jemi içerki önümi (JIÖ) boýunça beren çaklamalarynda, bu sebitde ykdysady ösüşiň 5,1 göterim derejesinde bolmagy göz öňünde tutulýandygyny belledi. 2025-nji ýylda bolsa, bu görkezijiniň 5,9 göterim ýokarlanjakdygy hasaba alynýar.
Bankyň bilermenleriniň ýazmagyna görä, Türkmenistanda 2024-nji ýylda JIÖ-nyň ösüşi 6,3 göterim, Täjigistanda 8 göterim, Gazagystanda 4 göterim, Gyrgyz Respublikasynda 9 göterim, we Özbegistanda 6 göterim derejesine ýetjekdir. 2025-nji ýylda Türkmenistanda 6,3 göterim, Täjigistanda 7 göterim, Gazagystanda 5,5 göterim, Gyrgyz Respublikasynda 7 göterim, we Özbegistanda 6 göterimlik ösüş bolmagyna garaşylýar.
Bu çaklamalar Merkezi Aziýa sebitiniň ykdysady taýdan durnuklylygyny we ösüş mümkinçiliklerini aýdyňlaşdyrýar. Döwletleriň arasynda maliýe we ykdysady hyzmatdaşlygyň artmagy, sebit ykdysadyýetiniň özara baglanyşygyny ýokarlandyrar we ösüşi gazanmakda möhüm rol oýnar.
Merkezi Aziýa üçin bu döwürde ykdysady ösüş mümkinçilikleriniň giňelmegi, özara söwda gatnaşyklarynyň we meýilnamalaýyn hyzmatdaşlygyň artmagyna mümkinçilik berer.
Döwlet Amannazarow,
Türkmen döwlet maliýe institutynyň mugallymy.
Teswirler