Düýn Merkezi Aziýa ýurtlarynyň we Hytaýyň ýaşlarynyň dialogy geçirildi. Bu dialog Hytaý Halk Respublikasynyň Sian şäherinde dowam etdýän “Geljege köpri – 2024” forumynyň çäklerinde geçirildi.
Bu dialoga Hytaýyň Ählihytaý Ýaşlar federasiýasynyň, Merkezi Aziýa ýurtlaryndan gelen wekiliýetler, köpçülikleýin habar beriş serişdeleriniň, şeýle-de degişli halkara guramalaryň wekilleri, ýerli ýokary okuw mekdepleriniň mugallymlarydyr magistrantlary hem-de bu ýerde bilim alýan Merkezi Aziýa ýurtlarynyň ýaşlary, jemi 150-den gowrak adam gatnaşdy.
Bellenilen gün tertip boýunça Merkezi Aziýa ýurtlaryndan gelen wekilýetleriň ýolbaşçylarynyň çykyşlary diňlenildi.
Biziň ýurdumyzdan gatnaşýan wekilýetiň adyndan Türkmenistanyň Bilim ministrliginiň Ýaşlar syýasaty bölüminiň başlygy Wepa Gutlyýew çykyş etdi.
Ol öz çykyşynda Türkmenistanda ýaşlar üçin döredilýän giň mümkinçilikler, Merkezi Aziýa ýurtlarynyň we Hytaýyň ýaşlarynyň halkara hyzmatdaşlygynyň oňyn netijelere beslenýändigi, hormatly Prezidentimiziň 2023-nji ýylyň maý aýynda Sian şäherinde Hytaýyň we Merkezi Aziýa ýurtlarynyň döwlet Baştutanlarynyň sammitinde öňe süren teklibi boýunça geçen ýylyň noýabrynda ýurdumyzyň Mary welaýatynda “Beýik Ýüpek ýolunyň täze eýýamy” ady bilen üstünlikli geçirilen ýaşlar forumynyň uly ähmiýete eýe bolandygyny belläp geçdi.
Şeýle-de okaň:
Ýaşlar dialogy ýaşlar bilen pikir alyşmagyň möhüm hereketi
Teswirler