Türki döwletleriň arasynda bilelikde emeli hemra işläp düzmek babatda ylalaşyk gazanyldy. Bu barada Türki Döwletleriň Guramasynyň Baş sekretarynyň orunbasary Mirwohid Azimow guramanyň agza we synçy döwletleriniň kosmos agentlikleriniň 3-nji mejlisinden soňra beren beýanatynda mälim etdi.
Bu taslamanyň çäklerinde degişli ýurtlardan düzülen inženerler topary Gazagystanyň ylmy-barlag merkezinde iş alyp bararlar we şonuň netijesinde kosmos giňişligine emeli hemra uçurylar.
Türki Döwletleriň Guramasynyň kosmos agentlikleriniň 3-nji mejlisi Türkiýäniň Ankara şäherinde geçirildi. Oňa Türkmenistanyň wekiliýeti hem gatnaşdy.
Duşuşykda taraplar kosmos we emeli hemra pudagynda hyzmatdaşlyk etmegiň ugurlaryny ara alyp maslahatlaşydylar. Şeýle hem taraplaryň arasynda kosmos ylmy-barlaglary bilen baglanyşykly käbir meseleler boýunça ylalaşyklar gazanyldy.
Süleýman ORAZGELDIÝEW,
Döwletmämmet Azady adyndaky
Türkmen milli dünýä dilleri
institutynyň talyby.
Teswirler