“Maslahatly çözgüt” maslahat beriş(konsalting) kompaniýasy “Işe girmegiň ýollary” atly okuwlary geçirýär. Okuw meýilnamasy zähmetde özüne orun tapmaga ymtylýan ýokary okuw mekdepleriniň uçurymlaryna niýetlenilýär.
Okuw maksatnamasy 1 aý dowam edip, tölegsiz görnüşde alnyp barylýar. Okuwlar bellenilen wagtyň dowamynda, logistika, marketing we HR ýaly 3 sany aýry modul esasynda geçiriler.
- Logistika-bu modulda logistikanyň, eltip berme hyzmatlarynyň, haryt-hyzmat dolanyşygynyň aýratynlyklary bilen iş salşarsyňyz. Onuň möhüm ugurlary, tärleri, iş ýagdaýlarynyň netijeliligi, amala aşyrylyşy, olary ýokarlandyrmagyň usullary barada gyzykly we gerekli maglumatlary edinip bilersiňiz;
- Marketing-agzalan modul sizde kämil marketing düşünjesini, satuwda ulanylýan usullary, sosial ulgamlarda marketingi peýdalanmagy, işde üstünlik gazanmakda marketing başlangyçlaryny öwrenmäge mümkinçilik berýär;
- HR–“Human Resources” ýagny, işgärleri dolandyrmak modulynda öz işinde ussat, öňdebaryjy HR-hünärmenleriniň sapaklarynyň kömegi bilen, işgärleri dolandyrmagyň, olar bilen işde ýokary netijeliligi gazanmagyň aýratynlyklaryny öwrenmek arkaly öz bilimiňizi kämilleşdirmäge mümkinçilik alarsyňyz.
Maksatnamanyň 2024-nji ýylyň 4-nji maýyna çenli giriş möhleti bolup, gatnaşmaga isleg bildirýänler ýörite link arkaly özleri barada maglumatlary dolduryp, gatnaşmaga mümkinçilik alyp bilerler.
Teswirler