Awstraliýanyň Melburn şäherindäki Monaş uniwersitetiniň topary toprak bakteriýalaryndan wodorod sarp edýän fermentiň atmosferany energiýa çeşmesi hökmünde ulanyp elektrik toguny döredip biljekdigini anyklady.
Monaş uniwersitetiniň biomedisinasyndan professor Kris Greening: “Antarktika topraklarynda, wulkan kraterlerinde we ummanyň çuň ýerlerinde ýaşaýanlary öz içine alýan bakteriýalaryň howadaky wodorody energiýa çeşmesi hökmünde ulanyp biljekdigini birnäçe wagtdan bäri bilýäris” -diýip, belläp geçdi.
Bu açyş “Nature” ylmy žurnalynda çap edilen “Structural basis for bacterial energy extraction from atmospheric hydrogen” (Atmosfera wodorodyndan bakteriýa energiýasyny çykarmagyň gurluş esaslary) atly “Atmosfera wodorodyndan bakteriýa energiýasyny çykarmagyň gurluş esaslary” atly makalada jikme-jik beýan edildi.
Gözlegçileriň bellemegine görä, “Huc” atly ferment “geň galdyryjy durnukly” we “howadan energiýa” öndürmekde ýokary täsirlidigi subut edildi. Geçirilen synaglar, arassalanan “Huc” fermentiniň uzak wagtlap doňdurma derejesinde ýa-da 80 gradusa çenli gyzgynlykda elektrik güýjüni ýitirmän saklap boljakdygyny ýüze çykardy.
“Tebigy batareýa” hökmünde häsiýetlendirilýän “Huc” fermentiniň irki ulanylyşy, gün energiýasy bilen işleýän enjamlara alternatiw hökmünde howa bilen işleýän enjamlary öz içine alýar.
Zübeýda BERDIÝEWA,
Döwletmämmet Azady adyndaky
Türkmen milli dünýä dilleri
institutynyň talyby.
Teswirler