Haýwanat dünýäsi birnäçe geň-enaýy, täsin jandarlary öz içine alýan köpdürlilige eýedir. Bu köpdürlilik hem öz gezeginde ýabany haýwanlar we eldekileşdirlen öý haýwanlary diýen iki uly topara bölünýär. Oba hojalygy bilen ýakyndan iş salyşýan zähmetkeşlerde has hem öý haýwanlary uly gyzyklanma döretse gerek. Öý haýwanlarynyň arasynda öý guşlaryna uly ähmiýet berilýär. Geliň käbir öý guşlarynyň ýabany kowumlary bilen tanyş bolalyň.
Towuk. Häzirki öý towuklary ilkinji gezek Hindistanda biziň eramyzdan 3 müň 200 ýyl ozal eldekileşdirilýär. Öý towuklary bankiw towuklaryndan gelip çykypdyrlar. Bankiw towuklary häzirki wagtda ýabany görnüşde ýaşaýarlar. Olaryň ölçegi öý towuklarynyň ölçeginden kiçiräk, aýaklary garamtyl reňkdedir. Bankiw towuklary uçmaga-da ukyplydyr. Bu towuklar tokaýlyk ýerlerde ýaşaýarlar. Bankiw towuklary öý towuklary bilen oňat çaknyşyp bilýärler.
Ördek. Ördekler biziň eramyzdan 1 müň ýyl ozal Gresiýada eldekileşdirilipdir. Ördekleriň ýabany kowmy muskus ördekleridir. Muskus ördekleri häzirki wagtda Meksika, Günorta Amerika ýerlerinde ýabany görnüşde duş gelýärler.
Gaz. Gazlar biziň eramyzdan 1 müň ýyl töweregi ozal Günorta Ýewropada eldekileşdirlipdir. Gazlar ýabany çal gazdan gelip çykypdyrlar. Ýabany çal gaz biziň günlerimizde-de ýabany görnüşde duş gelýär.
Aýgül ALTYÝEWA,
Türkmen oba hojalyk institutynyň talyby.
Teswirler