Russiýanyň Prezidenti Wladimir Putin paýtagt Moskwadaky “Geljekki tehnologiýalar forumynda” çykyş etdi.
Russiýanyň lukmançylyk dünýäsinde bolup geçen wakalaryna salgylanyp, Putin rus alymlarynyň rak keseline garşy sanjymy döretmek baradaky tagallalarynyň gutaryp barandygyny aýdyp, “Biz rak keseline garşy sanjymlary we immunitet ulgamyny kadalaşdyrýan täze nesil dermanlaryny öndürmäge golaýlafyk. Sanjymlar ýakyn wagtda aýratyn bejeriş usullary hökmünde netijeli ulanylar diýip umyt edýärin” – diýip belledi.
Russiýada rak keseline gözegçilik etmek üçin işleriň dowam edýändigini mälim eden Putin, 500-den gowrak rak keselhanasynyň bu mesele boýunça işjeň hereket edýändigini aýtdy.
Mälim bolşy ýaly, koronawirus ýokanjynyň ýaýran döwründe rus alymlary tarapyndan “Sputnik V” we “Sputnik Light” ýaly sanjymlar öz wagtynda işlenip düzülipdi, köp ýurtlara iberildi, şeýle hem bu ýurtlarda bu ýokançylygyň öňüni almak üçin giňden ulanylypdy.
Jemile TEKÄÝEWA,
Döwletmämmet Azady adyndaky
Türkmen milli dünýä dilleri
institutynyň talyby.
Teswirler