«Bäherden» tikin fabriginiň zähmetsöýer işçi-hünärmenleri «Pähim-paýhas ummany Magtymguly Pyragy» ýylynyň ilkinji aýyny guwandyryjy iş görkezijileri bilen jemlediler. Etrap merkezinde ýerleşýän kärhanada geçen aýyň dowamynda 982 müň manatlykdan gowrak tikin önümleri öndürilip, bu baradaky meýilnama 150 göterim ýerine ýetirildi.
Ildeşlerimiziň 100-e golaýynyň zähmet çekýän kärhanasynda tikin önümleriniň 5254-si taýýarlanyp, aglabasy ýöriteleşdirilen iş lybaslarydyr. Buýurmalar esasynda ekologiýa taýdan arassa nah matalardan tikilen geýimler hiliniň ýokarylygy bilen tapawutlanýar. Mundan başga-da, bu ýerde dürli görnüşdäki we ölçegdäki tikin önümleriniň birnäçe görnüşi öndürilip, halka hödürlenýär.
Teswirler