Ýurdumyzyň FIFA derejeli eminleri Resul Mämmedow, Arslan Goşşanow hem-de Çarymyrat Gurbanow 20 — 24-nji ýanwar aralygynda Merkezi Aziýanyň Futbol Assosiasiýasy (CAFA) tarapyndan Özbegistanyň paýtagty Daşkent şäherinde geçirilen eminleriň okuw-maslahatyna (CAFA Referees Seminar) gatnaşdylar.
Okuw-maslahatynyň dowamynda 2024-nji ýylyň dowamynda CAFA tarapyndan geçiriljek futbol bäsleşiklerinde FIFA tarapyndan girizilen üýtgeşmeleri ornaşdyrmagyň hem-de ulanmagyň meseleleri ara alnyp maslahatlaşyldy.
Eminler topary şu okuw-maslahatynyň üsti bilen halkara derejesindäki duşuşyklarda netijeli eminlik etmek boýunça uly tejribe topladylar, kämilleşmek üçin ajaýyp mümkinçilik aldylar.
Atajan ILBEGIÝEW,
Türkmenistanyň Döwlet energetika
institutynyň talyby.
Teswirler