Türkmenistanly ussat türgen grossmeýster derejeli Saparmyrat Atabaýew Türkiýe Respublikasynda geçirilen White Elephant Elite “Ak pil” ýaryşynda 6,5 utuk gazanmak bilen ýeňiji boldy. Bu barada «Türkmenistan: Altyn asyr» saýty habar berýär.
Şweýsariýa ulgamynda geçirilen bu ýaryşda 24 ýaşly türkmen türgeni 6 ýeňiş gazandy we 1 gezek deňme-deň utuş gazandy. Ýaryşa jemi 27 küşt türgeni gatnaşdy.
Saparmyrat Atabaýew 2023-nji ýylda Özbegistan Respublikasynda geçirilen “Rokirowka – 2023 Masters” küşt festiwalynda grossmeýster derjesini almak üçin ähli talaplary ýerine ýetirip ýeňiji bolupdy.
Bägüljemal Döwletowa,
Türkmen oba hojalyk institutynyň
2-nji ýyl talyby.
Teswirler