Mälim bolşy ýaly, Türkmenistan tarapyndan her ýyl daşary ýurtlarda dürli sergidir maslahatlar guralýar. soňky ýyllarda hsususan-da nebitgaz pudagyna degişli halkara forumlar geçirilýär. Bu forumlary gurnaýjy taraplaryň biri hem “Türkmen Forum” hojalyk jemgyýetidir.
“Türkmen Forum” hojalyk jemgyýetiniň berýan maglumatyna görä, 2024-nji ýylda Türkmenistan tarapyndan Fransiýanyň paýtagty Parižde halkara forum geçiriler.
Fransiýanyň paýtagty Pariž şäherinde 2024-nji ýylyň 24-25-nji aprelinde “Türkmenistanyň energetika maýa goýum forumy” guralar. Onda Türkmenistanyň energetika pudagyndaky täze maýa goýum taslamalary hödürlener.
Şeýle hem geljek ýyl 5-6-njy iýunda ýurdumyzyň ilkinji “akylly” şäheri bolan Arkadag şäherinde Türkmenistanyň energetika pudagyna degişli ylmy maslahat guralar. Bu forumda uglewodorod babatda gazanylýan ösüşler, metan gazynyň azaldylmagy hem-de durnukly ýaşyl energetika ugurlary boýunça çykyşlar diňleniler.
Mundan başga-da, her ýyl oktýabr aýynda geçirilýän “Türkmenistanyň nebiti we gazy” (OGT) halkara forumy hem guralar. Bu gezek bu forum 29-njy gezek geçiriler.
Meýlis BABAÝEW,
Türkmen döwlet binagärlik-gurluşyk
institutynyň talyby.
Teswirler