Türkmenistan Halkara sergiler býurosynyň administratiw we býujet meseleleri geňeşiniň agzalygyna biragyzdan saýlandy. Bu karar býuronyň Baş Assambleýasynyň 173-nji mejlisiniň çäklerinde kabul edildi.
“Soňra “EXPO 2030” halkara sergisiniň geçiriljek ýurduny saýlamak boýunça ses berişlik geçirildi. Ses berişligiň netijesinde, Saud Arabystany Patyşalygynyň Er-Riýad şäheri abraýly serginiň 2030-njy ýyldaky geçiriljek ýeri hökmünde saýlanyldy.
Ýeri gelende belläp geçsek, “EXPO 2030” sergisini geçirmäge esasy dalaşgärler hökmünde Saud Arabystanyndan başga-da Italiýa we Koreýa Respublikasy boldy.
Arzuw ROZYÝEWA,
Türkmen oba hojalyk institutynyň talyby.
Teswirler