Türkmenistanyň taryhy we medeni ýadygärliklerinde geçirilen ylmy barlaglaryň dowamynda soňky ýyllarda toplanan maglumatlary dünýäniň ylmy jemgyýetçiligine giňden tanatmak maksady bilen, Türkmenistanyň taryhy we medeni ýadygärlikleri goramak, öwrenmek hem-de rejelemek baradaky milli müdirliginiň garamagyndaky taryhy-medeni döwlet goraghanalarynyň öz serişdeleriniň hasabyna, türkmen, iňlis we rus dillerinde «Asyrlaryň yzlary» atly halkara ylmy ýygyndyny neşir etmek göz öňünde tutulýar.
Täze neşir giň okyjylar köpçüligi, şol sanda daşary ýurtly okyjylar üçin hem niýetlenilýär. Bu neşiri Aziýanyň, Ýewropanyň we Amerikanyň iri ylmy merkezleriniň kitaphanalaryna ibermek, şeýle hem onuň elektron görnüşini internet arkaly-da okyjylara elýeterli etmek meýilleşdirilýär.
Täze neşiriň redaksion geňeşiniň düzümine türkmen alymlary we bilermenleri bilen bir hatarda, Fransiýanyň, Italiýanyň, Beýik Britaniýanyň we Russiýanyň meşhur bilermenleri we alymlary goşuldylar.
Aýmuhammet BEGSEÝITOW,
Türkmenistanyň Döwlet energetika
institutynyň talyby.
Teswirler