2023-nji ýylyň 27-nji noýabrynda Päkistan Yslam Respublikasynyň Yslamabat şäherinde «Magtymguly Pyragy we häzirki zamanda halklaryň dostlugy» atly ylmy-amaly maslahat geçiriler. Bu barada medeniyet.gov.tm habar berýär.
Arkadag Serdarly bagtyýar ýaşlar ýylynda Hormatly Prezidentimiziň tagallasy bilen milli medeniýetimiziň, tanymal şahsyýetlerimiziň sarpasy belentde tutulýar. Diňe bir türkmen halkynyň däl eýsem Gündogar halklarynyň nusgawy şahyry bolan Magtymguly Pyragynyň şygyrlary, eserleri häzirki we geljekki nesiller üçin görelde mekdebi bolup hyzmat edýär.Ýurdumyzda akyldar şahyrymyzyň doglan gününiň 300 ýyllygyny dabaraly bellemeklige taýýarlyk işleri uly depginde alynyp barylýar.
Hormatly Prezidentimiziň tassyklan Karary bilen «Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygyny dabaraly bellemek boýunça geçirilmeli çäreleriň meýilnamasyna» laýyklykda geçiriljek ylmy-amaly maslahata Türkmenistanyň Medeniýet ministrliginiň we Türkmenistanyň Ylymlar akademiýasynyň wekilleri gatnaşar. Olar 24 – 28-nji noýabr aralygynda Päkistan Yslam Respublikasynda saparda bolarlar.
Mähri Bekiýewa,
Türkmenistanyň Inžener-tehniki
we ulag kommunikasiýalary institutynyň
2-nji ýyl talyby.
Teswirler