Arkadag Serdarly bagtyýar ýaşlar ýylynda Arkadagly Gahryman Serdarymyzyň baştutanlygynda ata Watanymyzyň ykdysady kuwwatyny pugtalandyrmaga gönükdirilen möhüm ähmiýetli başlangyçlar öňe sürülýär. «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda», şeýle-de «Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň ýaşaýyş-durmuş şertlerini özgertmek boýunça 2028-nji ýyla çenli döwür üçin Milli maksatnamasynda» kesgitlenen möhüm wezipeler üstünlikli çözülýär. Türkmen halkynyň Milli Lideri Gahryman Arkadagymyzyň başyny başlan hem-de häzirki wagtda Arkadagly Gahryman Serdarymyz tarapyndan üstünlikli amala aşyrylýan oňyn özgertmeleriň baş maksady hem ýurdumyzy hemmetaraplaýyn ösdürmeklige esaslanýar. Häzirki wagtda ýurdumyzy ösdürmek boýunça durmuşa geçirilýän konsepsiýada ykdysadyýeti döwrebaplaşdyrmagy diwersifikasiýa ýoly bilen ösdürmek, sanlylaşdyrmagyň gurallaryny netijeli ulanmak, täze tehnologiýalary, innowasiýalary giňden ornaşdyrmak amal edilýär. Şeýle hem milli ykdysadyýetimiziň her bir pudagyny talabalaýyk derejede ösdürmek, öňde goýlan wezipeleriň ýerine ýetirilmegi ýurdumyzyň mundan beýläk-de ösdürilmegini, halkymyzyň abadançylygynyň ýokarlandyrylmagyny üpjün edýär. Ilatyň ýaşaýyş-durmuş derejesini ýokarlandyrmak, şol sanda ýaşaýyş jaý üpjünçiligini, durmuş goraglylygyny pugtalandyrmak, hyzmatlar ulgamyny kämilleşdirmek, sebitlerde goşmaça iş orunlaryny döretmek makroykdysady durnuklylygyny berkitmeklige we ykdysady kuwwaty artdyrmaklyga şert döredýär. Döwletimiziň azyk howpsuzlygyny üpjün etmek, oba hojalyk ekinleriniň hasyllylygyny ýokarlandyrmak, mallaryň we guşlaryň baş sanyny artdyrmak boýunça anyk çäreler durmuşa geçirilýär. Şunuň bilen birlikde, milli ykdysadyýeti senagatlaşdyrmagyň derejesini ýokarlandyrmaga, innowasion senagaty ösdürmäge, ähli ulgamlara sanly tehnologiýalary işjeň ornaşdyrmaga, maglumat-kommunikasiýa tehnologiýalarynyň paýyny artdyrmaga uly ähmiýet berilýär, innowasion tehnologiýalara daýanýan pudaklara, “ýaşyl” ykdysadyýeti ösdürmeklige uly üns berilýär. Kiçi we orta telekeçiligiň işiniň gerimini giňeltmek, eýeçiligiň dürli görnüşlerini ösdürmek möhüm ähmiýetli ugurlar hökmünde kesgitlenen. Durmuş ulgamyny mundan beýläk-de ösdürmek, ylym we bilim edaralarynyň işini kämilleşdirmek, pudaklary ýokary hünärli hünärmenler bilen üpjün etmek, sportuň we köpçülikleýin bedenterbiýäniň ornuny berkitmek babatda netijeli işler alnyp barylýar. Umuman, şeýle oňyn gazanylanlara daýanyp, ýurdumyzy durmuş-ykdysady taýdan ösdürmek bilen, Türkmenistan Watanymyzyň ösüşiň hem rowaçlygyň ýolunda öňe ilerleýändigini ynamly aýtmak bolar.
Mekan AKMYRADOW,
Türkmenistanyň Döwlet energetika
institutynyň 1-nji ýyl talyby.
Teswirler