Halkara Kinologiýa Federasiýasy (FCI) kinologiýany we arassa ganly itleriň köpeldilişini ösdürmek we goramak, şeýle hem janly-jandarlara rehimlilik esasynda çemeleşmek maksady bilen döredilen halkara birleşmedir. 2012-nji ýyla çenli federasiýa 87 ýurduň milli kinologik guramalaryny öz içine aldy. Guramanyň döredilmegi 1911-nji ýylda Awstriýanyň, Belgiýanyň, Germaniýanyň, Gollandiýanyň we Fransiýanyň ýörite klublary tarapyndan tohumçylygy ösdürmek maksady bilen başlandy.
Häzirki wagtda federasiýa arassa ganly itleriň 343 tohumyny ykrar etdi. Olaryň her biri belli bir ýurduň jogapkärçiligine degişli bolup durýar. Halkara Kinologiýa Federasiýasynyň agzasy bolan her bir ýurt halkara sergilerini, şeýle hem aw tohumlary üçin meýdan ýaryşlaryny, itleriň ys alyjylyk bäsleşiklerini, gözellik sergilerini geçirýär.
Ýeri gelende belläp geçsek, Gahryman Arkadagymyzyň taýsyz tagallasy bilen itleri idetmek, olaryň arassa ganly tohumyny saklamak maksady bilen Halkara «Türkmen alabaý itleri» assosiasiýasynyň toplumy açylyp ulanylmaga berildi.
Mukam ANNAMYRADOW,
Türkmen döwlet binagärlik-gurluşyk
institutynyň talyby.
Teswirler