Arkadag Serdarly bagtyýar ýaşlar ýylynda eneregtika pudagynda alnyp barylýan işler ýurdumyzyň ykdysadyýetiniň ösmegine örän uly goşant goşýar. Bu ugurda möhüm täzelikleriň biri hem ýurdumyzyň “Türkmengaz” we “Türkmennebit” döwlet konsernleri hem-de “Türkmengeologiýa” döwlet korporasiýasy 2 – 5-nji oktýabrda Birleşen Arap Emirlikleriniň Abu-Dabi şäherinde “ADIPEC 2023” sergisine gatnaşar. Sergide Türkmenistanyň energetika toplumynyň geljekki we häzirki işleri tanyşdyrylar.
ADIPEC – bu energetika pudagynda geçirilýän iň iri wekilçilikli çäreleriň biridir. Abu-Dabi şährinde geçiriljek sergide bu ýyl dünýäniň 28 döwletinden 2200-den gowrak kompaniýanyň gatnaşmagyna garaşylýar. Olar bu toplumyň her pudagy üçin möhüm meseleleri, işewürlik we bazar ýörelgelerini ara alyp maslahatlaşarlar.
ADIPEC eýýam 20 ýyl bäri bu işleri amala aşyrýar. Dünýä ýurtlarynyň 80 göterimi bu sergide öz önümlerini hödürlär. Şeýle hem bu sergide işewürler senagatda energiýa pudagyny has hem ösdürmek üçin meseleler dogrusynda pikir alyşarlar. ADIPEC – dünýäde nebitgaz, energiýa senagat pudaklarynda täze döredilen tehnikalaryň hödürlenilýän ýeke täk sergisi hasaplanýar.
“ADIPEC 2023” sergisinde işewür giňişligiň ikitaraplaýyn ugurlaryny söwdany we innowasiýalary ösdürmek dogrusynda meseleleri ara alyp maslahatlaşmak üçin mümkinçilikler dörediler. Bu sergä 1500-den gowrak ministrleriň, baş direktorlaryň, syýasatçylaryň we täsirli adamlaryň gatnaşmagyna garaşylýar. Halkara forumda energetika ulgamynda iň täze tehnologiýalar we täzelikler tanyşdyrylar.
Gunça REJEPOWA,
Döwletmämmet Azady adyndaky
Türkmen milli dünýä dilleri institutynyň
iňlis dili we edebiýaty fakultetiniň
V ýyl talyby.
Teswirler