“Arkadag Serdarly bagtyýar ýaşlar” ýylynda ylym-bilim ulgamyny kämilleşdirmek boýunça köpsanly işler yzygiderli durmuşa geçirilýär. 23-24-nji sentýabrda Aşgabat şäherindäki 97-nji orta mekdebinde Türkmenistanyň mekdep okuwçylarynyň arasynda bilim robotehnikasy boýunça bäsleşik geçirildi.
Bäsleşige paýtagtymyz Aşgabat şäherinden we ýurdumyzyň welaýatlaryndan 254 sany okuwçy gatnaşdy. Olar bäsleşige öz döreden uzakdan dolandyrylýan robot ulaglaryny hem-de dürli taslamalaryny hödürlediler.
Robotehnika boýunça geçirilen bu bäsleşik, Aşgabat şäherindäki Dil derslerini çuňlaşdyryp öwredýän 97-nji orta mekdebi, Türkmenistanyň Bilim ministriligi hem-de ÝUNISEF tarapyndan guraldy.
Bäsleşige paýtagtymyzda we ýurdumyzyň welaýatlarynda bilim ulgamynda iş alyp barýan birnäçe okuw merkezleri hem gatnaşdy. Şeýle hem bäsleşigiň dowamynda ÝUNISEF wekili hem-de bilim ulgamynyň wekilleri döredilen täze tehnologiýalar bilen tanyşyp gyzyklandylar.
Mekdep okuwçylarynyň arasynda geçirilen bilim robotehnikasy boýunça bäsleşigiň ýeňijileri:
Robot maşynlarynyň “Race” (Robot maşynlarynyň ýaryşy) ugry boýunça Aşgabat şäheriniň 129-njy orta mekdebiniň okuwçysy Dawut Bäşimow birinji orny eýeledi. Ikinji we üçünji orunlary degişlilikde, şol mekdebiň okuwçylary Setdarberdi Begmyradow hem-de Artur Bahtiýarow eýelediler.
“Sumo” (Robot maşynlarynyň göreşi) ugry boýunça Aşgabat şäheriniň 129-njy orta mekdebiniň okuwçysy Remezan Saparow birinji orny eýeledi. Ikinji we üçünji orunlary Türkmenistanyň Goranmak Ministrliginiň Berdimuhammet Annaýew adyndaky 1-nji ýöriteleşdirilen harby mekdebiniň okuwçylary Hajybaba Täçmyradow hem-de Oraz Hezilow eýeledi.
“Auto Sumo” (robot maşynlarynyň awtomatik ýagdaýdaky göreşi) boýunça Aşgabat şäheriniň Dil derslerini çuňlaşdyrylyp öwredilýän ýöriteleşdirilen 97-nji orta mekdebiniň okuwçylary Rahatgeldi Ataýew birinji oruny, Suhan Nobatow ikinji oruny, Gurbanmuhammet Magtymgulyýew üçünji orny eýeledi.
“Mars Rower” (päsgelçiliklerden geçmek) boýunça geçirilen bäsleşikde Aşgabat şäheriniň Dil derslerini çuňlaşdyrylyp öwredilýän ýöriteleşdirilen 97-nji orta mekdebiniň okuwçysy Ysmaýyl Çaryýew birinji orny eýeledi. Şeýle hem paýtagtymyzdaky ýöriteleşdirilen 135-nji orta mekdebiniň okuwçysy Adylhan Söýünhanow ikinji oruny, Aşgabat şäheriniň ýöriteleşdirilen 86-nji orta mekdebiniň okuwçysy Seýdylla Myradow bolsa üçünji oruna mynasyp boldy.
“Line Follower” (gara çyzgyny dogry yzarlamak) boýunça geçirilen ýaryşda Aşgabat şäheriniň Dil derslerini çuňlaşdyrylyp öwredilýän ýöriteleşdirilen 97-nji orta mekdebiniň okuwçysy Suhan Nobatow birinji oruny, şol mekdebiň okuwçysy Aýhan Baýramow ikinji oruny eýeledi, üçünji orny bolsa Ahal welaýatynyň Gökdepe etrabynyň 27-nji orta mekdebiniň okuwçysy Şanur Reýimgulyýew mynasyp boldy.
Şeýlede okaň:
Teswirler