Sanly ykdysadyýet – bu durnukly ösüşiň baş şertidir. Ýurdumyzda sanlylaşdyrmak işi ,,Türkmenistanda 2019-2025-nji ýyllarda sanly ykdysadyýeti ösdürmegiň Konsepsýasyna’’ laýyklykda üstünlikli alnyp barylýar. Konsepsiýa ykdysadyýeti sanlylaşdyrmagyň ähli ugurlaryny öz içine alýar. Sanly ykdysadyýete geçmek işiniň netijeleri dürli ugurlaryň işiniň ilerlemegine uly täsir edýär. Ýagny, sanlylaşdyrylmagy degişli ugurda tehnologiýalardan baş çykarýan hünärmenleri talap edýändigi göz öňünde tutulsa ,onda ol bilim ulgamynyň hem ugurdaşlykda sanlylaşdyrylmagyna itergi berýär.
Sanly ykdysadyýetiň ornaşdyrylmagy we ösdürilmegi esasy önümçilik ykdysady işleriň ähli görnüşleriniň awtomatlaşdyrylmagyna we merkezleşdirilen görnüşde dolandyrylmagyny üpjün etmäge giň mümkinçilikleri açýar. Şunda şahsyýetleşdirlen önümçilik we sarp ediş bazarlary hem ösdürilýär.Sanly ulgam söwda kärhanalary sarp edijiler barada maglumatlary toplamaga, söwdany guramak işini kämilleşdirmäge,dürli önümlere bolan islegleri seljermäge mümkinçilik berýär.
Sanly ykdysadyýetiň ösdürilmegi ýurdumyzda uzak möhletleýin ykdysady ösüşi we ýokary önürijiligi gazanmaga ýardam berýän netijeli ulgamlaryň ornaşdyrylmagyna täsir eder. Bu ugurdaky işleriň netijeliliginiň bitewiligini üpjün etmekde ýaş hünärmenlere aýratyn orun degişlidir.Sanly ösüş ulgamy häzirki zaman ylymlaryndan oňat baş çykarýan ýokary derejeli hünärmenleri taýýarlamak boýunça alnyp barylýan işleriň kämilleşdirilmegini hem nazarlaýar. Häzirki wagtda sanly ulgamyň talaplaryny nazara almak bilen, pudaklaryň işgärleri üçin hünärini ýokarlandyrmak ulgamy ýola goýuldy.
Muhammetnur AŇŇYROW,
Türkmen oba hojalyk institutynyň 3-nji ýyl talyby.
Teswirler