Arkadag şäherindäki dabaraly açylan bilim ojaklarynyň çäklerinde ýurdumyzdaky ýerleşýän birnäçe orta mekdeplere ÝUNESKO-nyň assosirlenen mekdepler toruna girizilmegi mynasybetli halkara şahadatnamalar gowşuryldy.
• Aşgabat şäherindäki Oguz han adyndaky Inžener-tehnologiýalar uniwersitetiniň ýanyndaky daşary ýurt dillerini, takyk, tebigy dersleri çuňlaşdyryp öwredýän ýöriteleşdirilen 140-njy orta mekdebi;
• Ahal welaýatynyň Kaka etrabyndaky 19-njy orta mekdebi;
• Balkan welaýatynyň Balkanabat şäherindäki tebigy ugurly derslere ýöriteleşdirilen 21-nji orta mekdebi;
• Daşoguz welaýatynyň Daşoguz şäherindäki iňlis dili, himiýa we biologiýa dersleri çuňlaşdyryp öwredilýän ýöriteleşdirilen 26-njy orta mekdebi;
• Lebap welaýatynyň Türkmenabat şäherindäki daşary ýurt diline ýöriteleşdirilen 30-njy orta mekdebi;
• Mary welaýatynyň Mary şäherindäki 24-nji zehinli ýaşlar mekdebi.
Dünýäniň 182 ýurdundan 12 müň töweregi bilim edaralaryny özünde jemleýän “ÝUNESKO-nyň assosirlenen mekdepleri” taslamasy 1953-nji ýyldan bäri hereket edýär. Bu taslamanyň umumy maksady çagalarda dünýä medeniýetleriniň arasyndaky gatnaşyklary netijeli ösdürmek, olarda ýaşlykdan parahatçylyk, ynsanperwerlik we döredijilik gymmatlyklaryna sarpa goýmagy ündemekden ybaratdyr.
Soňky ýyllarda ÝUNESKO bilen Türkmenistanyň arasynda netijeli hyzmatdaşlyk alnyp barylýar. Munuň şeýledigine umumybilim berýän orta mekdepleriň ÝUNESKO-nyň Assosirlenen mekdepler toruna girizilmegi, ýokary okuw mekdeplerimizde bolsa ÝUNESKO kafedralarynyňdyr klublarynyň açylmagy aýdyň şaýatlyk edýär.
Dünýägül BAZARBAÝEWA,
Türkmen oba hojalyk institutynyň
agronomçylyk fakultetiniň
II ýyl talyby.
Teswirler