13-nji iýunda «Awaza» milli syýahatçylyk zolagynda «Awaza — 2023» atly halkara tans we folklor festiwalynyň açylyşy boldy.
Bu halkara festiwalda ýurdumyzyň medeniýet, sungat ussatlary bilen birlikde, Gazagystanyň «Jorga», «Aktau sazy» halk folklor toparlary, Russiýanyň Garri Polewoý adyndaky «Ogonki» rus tans toparlary, Täjigistanyň «Lola» tans we folklor toparlary, Rumyniýanyň «Transilwaniýa» folklor topary, RF-niň Tatarystan Respublikasynyň «Riwaýat», Eýranyň «Zendegi Mazandaran» tans we aýdym-saz toparlary, Hindistanyň «Bihu» folklor we tans toparlary, Özbegistanyň «Parwoz», «Bogdon» halk aýdym we tans toparlary, Hytaýyň Sinhaý welaýatynyň medeniýet, sungat we syýahatçylyk mekdebiniň tans toparlary özleriniň ajaýyp çykyşlaryny ýerine ýetirýärler.
16-njy iýuna çenli dowam etjek bu halkara festiwalda her gün halk döredijilik, folklor-etnografik toparlarynyň çykyşlary giňden ýaýbaňlandyrylar.
Teswirler