Türkmenistanyň Saglygy goraýyş we derman senagaty ministrliginiň saglygy goraýşyň habarlar merkezi, döräp biläýjek möwsümleýin keselleriň öňüni almak üçin her bir adam öz saglygyny goramaga örän jogapkärli çemeleşip, bellenilen kadalary gyşarnyksyz berjaý etmelidigini, lukmanlaryň berýän maslahatlaryny ýerine ýetirmelidigini ýatladýar!
Sagdyn durmuş ýörelgesini berjaý etmeli.
Bedenterbiýe we sport bilen yzygiderli meşgullanmaly.
Witamin C — askorbin turşusyna baý önümleri köpräk iýmegi endik etmeli. Iş ýeriňizde we öýüňizde otaglaryň howasynyň tämiz bolmagyny gazanmaly.
Keseliň ilkinji alamatlary ýüze çykan ýagdaýynda, hökman maşgala lukmanyna ýüz tutuň! Özbaşdak derman serişdelerini ulanmaň! Şahsy we jemgyýetçilik arassaçylyk tertip-düzgünlerini berjaý ediň! Kömelek we beýleki gök önümleri iýeniňizde arassaçylyk talaplaryny berjaý etmegi unutmaň!
Iýmitden zäherlenmeleriň we ýiti içege ýokanç keselleriniň öňüni almak maksady bilen, azyk önümlerine bildirilýän arassaçylyk talaplaryny dogry berjaý ediň! Olary söwda merkezlerinden satyn alyň, öý şertlerinde talabalaýyk saklaň we belgileniş nyşanynda görkezilen möhlete çenli iýmek maslahat berilýär!
Ýaz paslynyň aýratynlyklaryna görä geýinmegi unutmaň!
Teswirler