Hormatly Arkadagly Serdarymyzyň başda durmagynda Türkmenistan ýurdumyzy dünýäniň senagat taýdan ösen döwletleriniň hataryna goşmaga, eziz diýarymyzyň halkara abraýyny belende galdyrmaga gönükdirilen işleriň gerimi häzirki wagtda barha giňeýär. Bu asylly hem döwletli, il-ýurt bähbitli işler Berkarar döwletimiziň täze eýýamynyň Galkynyşy döwründe täze belentliklere çykýar. Oňyn ösüşleri has hem çaltlandyrmak maksady bilen täze desgalary, ajaýyp ymaratlary gurmak, durkuny täzelemek işleriniň depgini hem yzygiderli ýokarlandyrylýar. «Berkarar döwletiň täze eýýamynyň Galkynyşy: Türkmenistany 2022-2052-nji ýyllarda durmuş-ykdysady taýdan ösdürmegiň Milli maksatnamasyny» yzygiderli durmuşa geçirmekde wajyp orny eýelemek bilen, ol okgunly ösýän möhüm ulgam hökmünde ykrar edilendir. «Arkadag Serdarly bagtyýar ýaşlar» ýylynda ençeme döwrebap ýaşaýyş jaýlary, täze mekdepler, çagalar baglary, saglygy goraýyş, medeni we sport maksatly desgalar we beýleki köp sanly durmuş ugurly binalar ulanmaga berildi. Ahal welaýatynyň täze, döwrebap edara ediş merkezi bolan Arkadag Şäheriniň ýokary depginde alnyp barylýan gurluşygy we şeýle-de bu giň gerimli taslamanyň ikinji tapgyrynyň durmuşa geçirilip başlanmagy bellenmäge mynasypdyr.
Täze gurluşyklaryň ýokary hilli gurluşyk serişdeleri bilen yzygiderli üpjün edilmegine uly üns berilýär, ýurdumyzyň kuwwatly senagatyny döretmek, bereketli topragymyzyň ýerli çig mal serişdelerini giňden özleşdirmek boýunça netijeli işler ýola goýulýar. Bu bolsa önümçilik toplumlarynyň kuwwatyny artdyrmaga hem-de ýokary hilli gurluşyk serişdeleriniň, beýleki önümleriň öndürilişiniň möçberini köpeltmäge oňyn ýardam edýär. Bina edilýän desgalaryň binagärligiň milli däplerini hem-de häzirki zaman şäher gurluşygynyň tejribelerini özünde jemleýändigi guwandyryjy ýagdaýdyr. Biz hem, şeýle ajaýyp döwletli döwranda halkymyzyň abadan, bolelin hem parahat durmuşyny üpjün etmek ugrunda uly tagallalary edýän, nusgalyk peder ýoluny dowamat dowam eýleýän Arkadagly Serdarymyza köp sagbolsun aýdýarys!
Didarmuhammet MEREDOW,
Türkmen oba hojalyk institutynyň talyby.
Teswirler