Ýaňy ýakynda mekdep okuwçylarynyň arasynda “Future Intelligence Student Olympiad’’ (FISO-2023) atly halkara internet olimpiadasy geçirildi.
Şeýlelik-de, Aşgabat şäheriniň dil derslerini çuňlaşdyryp öwredýän 87-nji ýöriteleşdirilen orta mekdebiniň okuwçysy Aýgül Durdyýewa altyn medala, Aşgabat şäherindäki 49-njy orta mekdebiniň okuwçysy Kerim Maksadow we Aşgabat şäherindäki 79-njy orta mekdebiniň okuwçysy Nurgeldi Annagurdow kümüş medala, şeýle hem Gökdepe etrabyndaky Gurbannazar Ezizow adyndaky takyk we iňlis dili derslerini çuňlaşdyryp öwredýän ýöriteleşdirilen 23-nji orta mekdebiniň okuwçysy Eziz Babaýew bürünç medala mynasyp boldular.
Bu ýylky geçirilen FISO halkara olimpiadasyna matematika, fizika, iňlis dili, himiýa, biologiýa we beýleki ugurlar boýunça dünýäniň 31 ýurdundan 5300-e golaý mekdep okuwçylary gatnaşdylar.
Üstünlik gazanan bu okuwçylar okuwdan daşary “Gujurly Nesil” bilim merkezine gatnaýarlar.
Kadyrmyrat ÖWEZGYLYJOW,
Türkmenistanyň Daşary işler ministrliginiň
Halkara gatnaşyklary institutynyň talyby
Teswirler
Ученики других велаятов тоже удостоились призовых мест в международной олимпиада FISO.
Beýleki welaýatlaryň okuwçylary hem Fiso Halkara olimpiýadasynda ýere mynasyp boldular.