29-njy martda Türkmenistanyň Jemgyýetçilik guramalarynyň merkezi binasynda Türkmenistanyň Zenanlar birleşiginiň Merkezi Geňeşiniň giňeldilen mejlisi geçirildi. Oňa Türkmenistanyň Zenanlar birleşiginiň Merkezi Geňeşiniň agzalary, Zenanlar birleşiginiň Merkezi derňew toparynyň agzalary, ýurdumyzyň ministrlikleriniň, pudaklaýyn dolandyryş edaralarynyň, ýokary okuw mekdepleriniň, bank ulgamynyň ilkinji zenanlar guramalarynyň başlyklary, keşdeçi zenanlar gatnaşdylar.
Türkmenistanyň Zenanlar birleşiginiň Merkezi Geňeşiniň giňeldilen mejlisinde Zenanlaryň keşdeçilik sungaty Merkezini döretmek hem-de bellige almak, Türkmenistanyň Zenanlar birleşiginiň ýanynda döredilen Zenanlaryň keşdeçilik sungaty Merkeziniň Düzgünnamasyny tassyklamak hem-de Türkmenistanyň Zenanlar birleşiginiň ýanynda döredilen jemgyýetçilik başlangyçlarynda işleýän Zenanlaryň keşdeçilik sungaty Merkeziniň 2023-nji ýyl üçin iş meýilnamasyny tassyklamak ýaly meselelere seredildi.
Türkmenistanyň Zenanlar birleşiginiň ýanynda döredilen Zenanlaryň keşdeçilik sungaty Merkeziniň başlyklygyna ajaýyp milli lybaslaryny taýýarlap, ýurdumyzda giňden tanalýan telekeçi zenan Aýna Durdylyýewa biragyzdan bellenildi.
Teswirler