Golaýda20 ýaşa çenli gyzlaryň arasynda küşt boýunça geçirilen Türkmenistanyň çempionatynda Lebap welaýatynyň Dänew etrabyndan küştçi gyz Läle Şöhradowa kümüş medala mynasyp boldy.
Läle Şöhradowa – Türkmenistanyň birnäçe gezek çempiony bolupdy. Onuň bu gezek hem bu çempion bolmagyna garaşylýardy. Ýöne küştçi gyz sähelçe säwlik bilen bu gezek ikinji orna düşdi.
Ýaryşda ýurdumyzyň çempiony bolan Aşgabat şäherinden Merýem Agajanowa mümkin bolan 9 utugyň 8-sini gazanyp bilen bolsa, Läle ondan bary-ýogy ýarym utuk yza galdy. Şunlukda, Merýem ikinji gezek Türkmenistanyň çempiony boldy.
Milli birinjilikde hormat münberiniň üçünji basgançagyna 6,5 utuk toplan Ogulsuraý Baýramowa çykdy.
Belläp geçsek, Läle heniz 9 ýaşyndaka ýagny 2015-nji ýylda dünýäniň çempiony boldy. Ol häzir ýaşlaryň we ulularyň arasynda geçirilýän milli birinjilikdäki çykyşyny dowam etdirýär.
Oglanlaryň we gyzlaryň bilelikdäki çempionaty ertir ― 27-nji ýanwarda tamamlanar.
Teswirler