Şu gün ýagny 28-nji dekabrda Türkmenistanyň Prezidenti Aşgabat şäheriniň Büzmeýin etrabyndaky «Gurtly» ýaşaýyş toplumynyň açylyş dabarasyna gatnaşdy. Täze ýylyň öňüsyrasynda geçirilen açylyş dabarasynyň dowamynda sungat ussatlarynyň aýdym-sazly çykyşlary ýerine ýetirilip, ol türkmen toýlaryna mahsus ýokary ruhubelentlige beslendi. Dabara Hökümet agzalary, ýurdumyzda işleýän daşary ýurt ilçihanalarynyň hem-de köpçülikleýin habar beriş serişdeleriniň wekilleri gatnaşdy.
Bu ýerde 4 gatly ýaşaýyş jaýlarynyň 62-si, 160 orunlyk çagalar bagy, 320 orunlyk orta mekdep, söwda merkezi we söwda dükanlarynyň 10-sy gurlupdyr.
Täze ýyl baýramynyň ýakynlaşýan günlerinde täze jaýlara eýe bolýan ildeşlerimiz Türkmenistanyň Prezidentine tüýs ýürekden alkyş sözlerini aýtdylar.
Teswirler