Hormatly Prezidentimiziň bedew bady bilen öňe barýan güneşli diýarymyzyň ýokary okuw mekdeplerini 2024-nji ýyla çenli dünýäniň abraýly ýokary okuw mekdepleriniň sanawyna girizmek baradaky buýruklary bilen baglylykda Türkmenistanyň Oguz han adyndaky Inžener-tehnologiýalar uniwersiteti ýene-de dünýäniň iň bir öňdebaryjy ýokary okuw jaýlarynyň nobatdaky hataryna goşulmagy başardy.
Şunuň bilen baglylykda, 2022-nji ýylyň 12-nji dekabrynda Türkmenistanyň Oguz han adyndaky Inžener-tehnologiýalar uniwersitetidünýäniň döwrebap ýokary okuw mekdeplerinde bilim berilýän “Ekologiýa we daşky gurşawy goramak boýunça” ugry boýunça işlere baha bermek bilen Universitas Indonesia tarapyndan 2010-njy ýylda esaslandyrylan UI Green Metric atly dünýä uniwersitetleriniň sanawyna goşulmak bagty miýesser etdi (https://greenmetric.ui.ac.id/).
“Ekologiýa we daşky gurşawy goramak” boýunça dünýäniň öňdebaryjy ýokary okuw mekdepleriň sanawy düzülende ýokary okuw mekdepleriniň 39 kesgitleýjisi we şu aşakda sanalyp geçilen 6 sany esasy ugry boýunça alnyp barylýan işlere baha berilýär:
1) «Amatly şertler döredilen ýokary okuw mekdebiniň gurluşy»;
2) «Gaýtadan dikeldiýän energiýa çeşmeleri ulanmak we klimatyň
üýtgemegine garşy göreşmek»;
3) «Daşky gurşawa zyýanly galyndylaryň taşlanmagyna garşy göreşmek»;
4) «Suwuň tygşytly peýdalanylmagy»;
5) «Ulaglary çäklendirilmek we pyýadalaryň sanyny artdyrmak»;
6) «Ekologiýa we daşky gurşawy goramak boýunça makalalary, ylmy
işleri we okuw-usuly materiallary taýýarlamak».
Türkmenistanyň Oguz han adyndaky Inžener – tehnologiýalar uniwersitetiniň dünýäniň abraýly we öňdebaryjy ýokary okuw mekdepleriniň sanawyna goşulmagy Hormatly Prezidentimiz Serdar Berdimuhamedowyň ýurdumyzyň ýokary okuw mekdeplerini halkara derejesine çykarmakda alyp barýan işleriniň üstünlikli amala aşyrylýandygynyň aýdyň subutnamasy bolup durýar.
Gunça Gökjaýewa
Oguz han adyndaky Inžener-tehnologiýalar uniwersitetiniň
Materiallary öwrenmek we täze materiallaryň tehnologiýasy taýýarlygynyň ugrunyň talyby
Teswirler