2022-nji ýylyň noýabr aýynyň 18-19-sy aralygynda Taýland Patyşalygynda “Online Halkara Matematika 2022” (Online International Math Challenge 2022) atly internet halkara matematika bäsleşigi geçirildi.
Bu abraýly bäsleşik IT meýdançasiniň ýardamy bilen internet arkaly geçirilip, matematika dersi boýunça halkara bäsleşigine 81 döwletden 5000-den gowrak zehinli okuwçylar gatnaşdy.
Bu abraýly bäsleşige Aşgabat şäheriniň dil derslerini çuňlaşdyryp öwredýän 87-nji ýöriteleşdirilen orta mekdebinden jemi 13 okuwçy işjeň gatnaşyp, mekdebiň 10-njy synp okuwçysy Leýli Garlyýewa I oruna, 8-nji synp okuwçysy Hakberdi Orazow, 9-njy synp okuwçylary Meýlis Jumaýew, 10-njy synp okuwçysy Ýunus Emre Döwranow we 11-nji synp okuwçysy Merdan Akyjanow II orunlara, 8-nji synp okuwçylary Maksat Taganow, Agajan Döwranow, 9-njy synp okuwçysy Aýjemal Gutlymyradowa III orunlara, 6-njy synp okuwçylary Azat Nepesow, Bägül Aşyrowa, Aýşa Akmyradowa, 7-nji synp okuwçysy Gytlymyrat Gutlymyradow minnetdarlyk hatlara mynasyp boldular.
Şeýlelikde Aşgabat şäheriniň dil derslerini çuňlaşdyryp öwredýän 87-nji ýöriteleşdirilen orta mekdebiniň okuwçylary 1 sany I orun, 4 sany II orun, 3 sany III orun, 4 sany minnetdarlyk hatyna mynasyp boldular.
Teswirler