Saud Arabystanyň Ykdysadyýet ministri Abdulaziz bin Salman öz ýurdunyň «Saudi Aramco» nebit kompaniýasynyň iki sany täze nebit ýatagyny tapandygyny habar berdi.
Saud Arabystanynyň habarlar gullugynda berlen habarda ýüze çykarylan iki nebit ýatagynyň hem ýurduň gündogar sebitinde adatdan daşary ýagdaýda tapylandygy mälim edildi. Saud Arabystanyň Ykdysadyýet ministri Abdulaziz bin Salman «Saudi Aramco»-nyň täze açyşynyň ýurduň strategiýasyna möhüm goşant goşjakdygyny aýtdy we bu täze açyşlaryň patyşalygyň tebigy gaz gorlaryny güýçlendirjekdigini belläp geçdi.
Abdulaziz bin Salman birinji ýatagyň al-Hufuf şäherinden 142 km uzaklykda ýerleşýän Gawvar nebit ýatagynyň günortasynda beýlekisiniň bolsa Zahran şäheriniň 230 km günortasynda ýerleşýändigini aýdyp geçdi.
Belläp geçsek, Russiýa dünýäde tebigy gazyň gorlary boýunça iň öňdäki orunlary eýeleýär. Global tebigy gaz gorlarynyň takmynan 24 göterimi Russiýada ýerleşýär. Birinji orunda Russiýa 48,9 trillion kub metr, ikinji orunda Eýran 34 trillion kub metr, üçinji orunda Katar 23.8 trillion kub metr, dördünji orunda Saud Arabystany bolsa 8 müň 438 trillion kub metr tebigy gaz goruna eýedir.
Söhbet HOJAÝEW,
Ýagşygeldi Kakaýew adyndaky
Halkara nebit we gaz uniwersitetiniň
Himiýa tehnologiýasy we ekologiýa fakultetiniň
Nebiti we gazy gaýtadan işlemegiň
himiki tehnologiýasy kafedrasynyň mugallymy.
Teswirler