Sowet soýuzynyň meşhur awtoulagy “Moskwiç” 30 ýyldan soňra täze görnüşde öndürilip başlandy. Kamaz.ru saýtynda berilýän maglumatlara göra, Moskwa şäher häkimligi we “KamAZyň” ýolbaşçylygynda täze görnüş dizaýny bilen öndürilmäge başlanan “Moskwiç”-iň 2022-nji ýylyň ahyryna çenli 600 sanysy öndüriljekdigi aýdyldy.
2023-nji ýylyň ýanwar aýyndan başlap diňe Moskwa şäherinde satuwa çykaryljak “Moskwiç” awtoulagynyň mart aýynda Rossiýanyň beýleki şäherlerinde hem satuwa çykaryljakdygy mälim edildi.
Täze “Moskwiç”-iň benzin turbo hereketlendirijisi (1,5 l, 150 at güýji, 210 Nm), CVT awtomatiki geçiriş ýa-da alty tizlikli el bilen beriş bilen üpjün edilendigi habar berildi. “Moskwiç”-e şu wagtdan hyrydaryň köpdügini habar berýän rus metbugatyna görä, jemi 5 model görnüşli “Moskwiç” bolup, diňe biri elekrikli hereketlendirijisi bilen hereket eder.
Moskwiçmi, Hytaýmy?
“Moskwiç” ulagy barada maglumat berýän başga bir rus saýtyna görä, “Moskwiç” bir ýygnama awtoulagy. Habara görä, “Moskwiç”-iň ähli detallary Hytaýyň “JAC” kompaniýasyna degişli bolup durýar. Şol kompaniýanyň “JS4” we “JS7” marka krossowerlarynyň bir kopiýasydygy aýdylýan habarda, awtoulagyň arzan bahaly boljakdygyna ünsi çekýär.
Agajan AMANOW.
Teswirler