Birleşen Milletler Guramasynyň döredilen güni mynasybetli 2022-nji ýylyň 25-nji oktýabrynda Türkmenistanyň Daşary işler ministrliginiň Halkara gatnaşyklary institutynda “Brain-Ring” bäsleşigi geçirildi. Bäsleşige Türkmenistanyň Magtymguly adyndaky Türkmen döwlet uniwersitetiniň, Döwletmämmet Azady adyndaky Türkmen milli dünýä dilleri institutynyň we Türkmenistanyň Daşary işler ministrliginiň Halkara gatnaşyklary institutynyň talyplar toparlary gatnaşdylar. Bu bäsleşik Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň, “Ýaş hukukçylar” ylmy gurnagynyň we Magtymguly adyndaky Ýaşlar guramasynyň gurnamagynda geçirip, birinji saýlama we final tapgyrlaryndan ybarat boldy.
Bäsleşigiň birinji tapgyry boýunça toparlar berlen tema arkaly 3 minudyň dowamynda prezentasiýa bilen çykyş etdiler. Birinji tapgyryň netijesinde, Magtymguly adyndaky Türkmen döwlet uniwersitetiniň, şeýle hem Türkmenistanyň Daşary işler ministrliginiň Halkara gatnaşyklary institutynyň toparlary üstünlikli çykyş edip, final tapgyryna gatnaşmaga hukuk gazandylar. Final oýny gyzykly wakalara baý boldy. Zehinli we başarjaň talyplaryň ukyp-başarnyklaryny doly ýüze çykaran final tapgyryýiti bäsleşigiň ahyrynda öz ýeňijisiniyglan etdi.
Şeýlelikde, Magtymguly adyndaky Türkmen döwlet uniwersitetiniň talyplaryndan ybarat topar bäsleşigiň ýeňijisi diýlip yglan edildi. Ýeňiji bolan topara Hormat hatlary, ýadygärlik sowgatlar we bäsleşigiň göçme kubogy gowşuryldy.
Kadyrmyrat ÖWEZGYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.
Teswirler