Arkadagly Serdarymyz tarapyndan durmuşa geçirilýän döwlet syýasaty açyk-aýdyň durmuş maksatly, ynsanperwer häsiýete eýe bolmak bilen Berkarar döwletiň täze eýýamynyň Galkynyşy döwründe milli ykdysadyýeti öňegidişlikli ösdürmegiň hil taýdan täze tapgyryny alamatlandyrýar. Alnyp barylýan döwrebap özgertmeleriň düýp maksadynda halkymyzyň eşretli durmuşyny, ýurdumyzyň mundan beýläk hem gülläp ösmegini üpjün etmek wezipeleri goýlandyr. Döwletimiziň oňyn häsiýetli içeri we daşary syýasatynyň rowaçlanmagy ýurdumyzyň ykdysady-durmuş ösüşleriň aýdyň ýoly bilen öňe gitmegine itergi berýär, dünýä giňişligindäki ornuny barha pugtalandyrýar. Milli ykdysadyýetiň durnukly ösüş depginlerini üpjün etmeklik, amala aşyrylýan düýpli özgertmeleriň ýokary netijeliligini gazanmak halkymyzyň abadançylygyna gönükdirilen durmuş ugurly döwlet syýasatynyň baş ugurlary hökmünde bellenilendir.
Ýakynda kabul edilen «Türkmenistanyň Prezidentiniň ýurdumyzy 2022-2028-nji ýyllarda durmuş-ykdysady taýdan ösdürmegiň Maksatnamasy» ýurdumyzyň tapgyrlaýyn erkin bazar gatnaşyklaryna geçmegini gazanmakdan, hususy eýeçiligi we hususyýetçileri goldamakdan, hojalyk ulgamyny gurluş taýdan özgertmekden we bazar düzümini emele getirmekden, ilatymyzy telekeçilik işine has giňden çekmekden, adamlary hususy eýeçiligiň ornaşdyrylmagy we ýüze çykmagy sebäpli döreýän täze ykdysady şertlere uýgunlaşdyrmakdan ybaratdyr. Durmuşa geçirilýän bazar özgertmeleri işewürligi we hususy haryt öndürijileri döwlet tarapyndan goldamak, bäsleşik giňişligini kemala getirmek we ösdürmek, eýeçiligiň dürli görnüşlerini ösdürmek arkaly ykdysady ösüşi we amatly maýa goýum ýagdaýy üpjün edýär. Azyk binýadyny yzygiderli giňeltmek, içerki we daşarky sarp ediş bazarlary dürli, ýokary hilli önümler bilen doly üpjün etmek işlerine möhüm orun degişlidir.
Düýpli we hemmetaraplaýyn täzeleniş we döwrebaplaşdyryş meýillerine esaslanýan bu işler Arkadagly Serdarymyzyň alyp barýan maliýe syýasatynyň oňyn netijesidir we «Döwlet adam üçindir!» diýen baş şygaryň durmuşa geçirilýändiginiň aýdyň subutnamasydyr.
Döwlet ÇARYÝEW,
Türkmen döwlet maliýe institutynyň talyby.
Teswirler