25-nji sentýabrda, Mary we Lebap welaýatlarynda — «KamAZ» kysymly awtoulaglar üçin okuw we tehniki hyzmat merkeziniň açylyş dabaralary geçirildi. Açylyş dabarasyna ýurdumyzyň ulag ulgamynyň, «KamAZ FTC Corp. LLP» kompaniýasynyň müdiriýetiniň ýolbaşçylary we hünärmenleri, jemgyýetçilik guramalarynyň wekilleri, hormatly ýaşululardyr ýaşlar, medeniýet we sungat işgärleri gatnaşdylar.
«KamAZ» kysymly awtoulaglar üçin okuw we tehniki hyzmat merkezleriniň gurluşygyna Türkmenistanyň Prezidentiniň Buýrugyna laýyklykda, Balkan, Daşoguz, Lebap we Mary welaýatlarynda badalga berildi. «KamAZ FTC Corp. LLP» kompaniýasynyň buýurmasy boýunça Mary welaýatynda “Askan” hojalyk jemgyýeti tarapyndan, Lebap welaýatynda bolsa “Awtotrans” hususy kärhanasy tarapyndan gurlan merkezler her günde 10 ulaga çenli hyzmat etmägä ukyplydyr.
«KamAZ» kysymly awtoulaglar üçin okuw we tehniki hyzmat merkezleri – dolandyryş binasyny, ammary, abatlaýyş işlerini geçirmek üçin bölümi, awtoulaglary ýuwmaga niýetlenen ýeri, bassyrmaly awtoduralgany hem-de suw saklanýan uly göwrümli howuzlary özünde jemleýär. Şeýle hem bu ýerde ätiýaçlyk şaýlarynyň ammary ýerleşýär.
Teswirler