Şu günler ýurdumyzyň Mary welaýatynyň ekerançylary hem möhüm azyklyk ekin bolan gant şugundyryna ideg etmegi ýokary depginde alyp barýarlar. Has dogrusy, şu möwsümde welaýatyň 14 müň 900 gektar ýerine gant şugundyry ekildi. Şugundyr ekilen meýdanlarda 2 gezek bejergi we mineral dökünler bilen iýmitlendirmek işleri utgaşykly geçirildi. Welaýatda oktýabr aýynyň ahyrlarynda şugundyr hasylynyň ýygymyna girişiler.
Şugundyryň iň köp ekilen ýeri Mary welaýatynyň Garagum etrabydyr. Bu etrapda 5 müň gektar ýere gant şugundyry ekildi. Hasylyň uly bölegine hem şu etrapdan garaşylýar. Hünärmenler welaýatyň Murgap, Sakarçäge, Oguzhan etraplarynyň ekerançylarynyň hem görkezjek netijeleriniň ýokary boljakdygyny belleýärler.
Belläp geçsek, şu ýyl ýurdumyz boýunça gant şugundyrynyň 224 müň tonna hasylyny ýygnamak meýilleşdirilýär.
Teswirler