Berkarar döwletiň täze eýýamynyň Galkynyşy döwründe hormatly Prezidentimiz Serdar Berdimuhamedowyň tagallalarynyň netijesinde ýurdumyz ösüşleriň ýokary depginleri bilen öňe gidýär. Halk hojalygynyň möhüm ugry bolan oba hojalygynda hem tarypa mynasyp işler amala aşyrylýar. Bu pudakda durmuşa geçirilýän özgertmeler halkyň ýaşaýyş-durmuş derejesini gowulandyrmaga gönükdirilendir. Daýhanlaryň tohum, suw, dökün, oba hojalyk tehnikalary bilen doly üpjün edilmegi, döwlete tabşyrylýan önüm üçin hasaplaşyklaryň wagtynda geçirilmegi her bir ýer eýesini ene topragymyzdan bol hasyl öndürmäge ruhlandyrýar.
Golaýda, ýurdumyza gymmatly çig mal bolan pagtany daşaýan täze tirkegleriň 255-si gelip gowuşdy. Tirkegler, Lebap welaýat oba hojalyk önümçilik birleşiginiň üpjünçilik kärhanasynda kabul edilip alyndy. Mälim bolşy ýaly, ýurdumyzda oba hojalygynyň maddy-tehniki binýadyny pugtalandyrmaga aýratyn uly üns berilýär. Bu babatda goňşy Özbegistan Respublikasynyň oba hojalyk tehnikalaryny we iş gurallaryny öndürijileri bilen netijeli hyzmatdaşlyk edilýär.
Ýurdumyzda gelip gowşan täze tirkegler «Daşkent-Agro-traktor» jogapkärçiligi çäkli jemgyýetiniň önümleridir. Täze Baglaşylan şertnama laýyklykda, ýokary ýük göterijiligi we ygtybarlylygy bilen tapawutlanýan tirkegleriň ýurdumyza ýylyň aýagyna çenli jemi 1 müňüsi getiriler. Bu bolsa ýetişdirilen gowaça hasylyny bökdençsiz daşamakda pagtaçylara uly ýardam berer.
Begnazar REJEPOW,
Türkmen oba hojalyk institutynyň mugallymy.
Teswirler