Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda maksatnamalaryň üstünlikli durmuşa geçirilmegi netijesinde mermer paýtagtymyz Aşgabat ösüşlere beslenýär. Ýurdumyzda gazanylýan beýik ösüşleriň görkezijisi, özgerişleriň kerwenbaşysy bolan ak mermerli Aşgabat bu gün Aziýanyň merjen şäherine, parahatlyk dörediji merkeze öwrüldi.
«Aziýanyň merjeni» diýlip ykrar edilen Aşgabat, 2013-nji ýylyň 25-nji maýynda ak mermerli binalaryň has köp jemlenen şäheri hökmünde Ginnesiň Bütindünýä rekordlar kitabyna girizildi we bu neşiriň degişli şahadatnamasyna mynasyp boldy. Şondan bäri hem her ýylyň 25-nji maýynda döwlet derejesinde paýtagtymyz Aşgabat şäheriniň güni baýramçylyk hökmünde bellenilýär. Aşgabat, onuň häzirki döwürde gazanýan üstünlikleri, täsin binagärligi ýurdumyzyň myhmanlaryny haýran galdyrýar. Paýtagtymyzyň özboluşly binagärlik keşbini döretmek, şäher düzümlerini toplumlaýyn döwrebaplaşdyrmak baradaky meseleleri hormatly Prezidentimiz üns merkezinde saklaýar. Ak mermerli paýtagtymyzda döwrebap tehnologiýalar bilen üpjün edilen täze mekdepler, çagalar baglary, sport toplumlary, dynç alyş we döredijilik merkezleri gurulýar.
Aziýanyň merjenine deňelýän ak şäherimiziň özgerýän keşbi ýurdumyzyň ykdysady strategiýasynyň üstünlige beslenýändiginden habar berýär.
Hormatly Prezidentimiz tarapyndan öňe sürlen gurluşyk pudagyny ösdürmegiň maksatnamasynyň durmuşa geçirilmegi ýaşaýyş jaýlarynyň, durmuş we medeni ulgamynyň, senagat düzümleriniň, täze önümçilikleriň desgalarynyň gurluşyklarynyň artdyrylmagyny şertlendirdi.
Paýtagtymyzy ösdürmegiň Baş meýilnamasy ak şäherimizde gurulýan we gurulmagy meýilleşdirilýän desgalar, olaryň ýerleşjek ýerleriniň we ýol-ulag ulgamynyň ösüşiniň ugurlary barada düşünje almaga giň mümkinçilikleri özünde jemleýär.
Amantäç ANNAGULYÝEWA,
D.Azady adyndaky TMDDI-niň
Maglumat tehnologiýalary
kafedrasynyň mugallymy.
Teswirler