Aşgabat şäherinde ýerleşýän “Ýyldyz” myhmanhanasynda Ýewropa Bileleşiginiň Türkmenistandaky wekilhanasynyň guramagynda “Ýewropa güni” mynasybetli dabaraly çäre geçirildi. Bu barada “Atavatan Türkmenistan” halkara žurnalynyň atavatan-turkmenistan.com internet sahypasy habar berýär.
Geçirilen çärä Türkmenistanyň maliýe we ykdysadyýet ministri Muhammetgeldi Serdarow, ýurdumyzdaky diplomatik wekilhanalaryň ýolbaşçylar, halkara we sebit guramalarynyň ýolbaşçylary şeýle-hem KHBS-niň wekilleri gatnaşdylar.
Çärä gatnaşan myhmanlar öz gezeginde söz sözlediler. Türkmenistanyň hökümetiniň adyndan çärä gatnaşýan minstr M.Serdarow öz gezeginde Türkmenistan bilen Ýewropa Bileleşiginiň arasyndaky giň gerimli hyzmatdaşlyklar barada gürriň berdi. Türkmenistan bilen ÝB-niň arasyndaky söwda dolanyşygynyň görkezijileri diňe bir 2021-nji ýyl üçin 730 million dollara deň bolandygyny mälim etdi.
Oguloraz SAPAROWA,
Döwletmämmet Azady adyndaky
Türkmen milli dünýä dilleri institutynyň mugallymy.
Teswirler