Häzirki wagtda Aşgabat şäheriniň Büzmeýin etrabynyň ýöriteleşdirilen 97-nji orta mekdebinde robot tehnologiýalary bilen gyzyklanýan ýaşlaryň “OguzRobot” we žurnalistika gurnagy bilen gyzyklanýan “Hazyna Show” žurnalistika gurnagy hereket edýär. Bu gurnaklar ýöriteleşdirilen 97-nji orta mekdebiniň mugallymlary we okuwçylary tarapyndan esaslandyryldy.
“OguzRobot”
“OguzRobot” gurnagy 2018-nji ýylda döredilen ilkinji türkmen milli robot tehnologiýalary gurnagydyr. Onuň esaslandyryjylary hökmünde Aşgabat şäheriniň ýöriteleşdirilen 97-nji orta mekdebiniň biologiýa mugallymy Berdimyrat Ýazhanow, şol mekdebiň öňki himiýa mugallymy Atamyrat Şahanow we Aganur Ýabanow ýer alýar. 2018-nji ýylda resmi taýdan ykrar edilen OguzRobot gurnagy, eýýäm şol ýylyň özünde birnäçe halkara we döwlet taslama ýaryşlaryna gatnaşan OguzRobodyň ilkinji agzalary, ýagny Kuwwat Rejepow, Goşun Nurnyýazow hem-de Meýlis Mätiýew baýrakly orunlara mynasyp boldular. Olaryň arasyndaky iň esasy baýraklardan biri hem “FIRST Global Challenge” atly, 180 döwletiň gatnaşmagyndaky ýaryşdan alan altyn medallarydyr. Gurnaga täze goşulan okuwçylaryň arasyndan Ahmet Amanow, Ahmet Akyýew, Abraý Bakyýew hem-de Mekan Mekanow özleriniň başarnyklaryny has ýokary derejede görkezip, halkara taslama hem-de robot ýaryşlarynyň birnäçesinde baýrakly orunlara mynasyp boldular.
“OguzRobot” häzirki döwre çenli hereket eden döwründe 2021-nji ýyl iň şowly ýyllarynyň biri boldy. Bu ýylda OguzRobot gurnagynda okadylyp başlanan 3D modellirleme, Robot tehnologiýalary sapaklary, Medýa sapaklary esasynda gurnak has hem kämilleşdi. Okuwçylaryň topar-topar bolup işläp başlamagy netijesinde üç sany aýratyn toparça döredildi:
- Mehanika we programmirleme topary
- 3D modellirleme topary
- Medýa topary
Häzirki wagtda “OguzRobot” gurnagynda “Nesilden nesile” (from generation to generation) metody ulanylýar. Bu diýmeklik toparyň täze agzalary topardaky öňki agzalardan tälim alýarlar. OguzRobot “Think, Invent, Impress” ýagny “Pikirlen, Döret, Täsir Galdyr” diýen şygar astynda hereket edýär.
“Hazyna Show” žurnalistika gurnagy
Aşgabat şäheriniň Büzmeýin etrabynyň ýöriteleşdirilen 97-nji orta mekdebinde işjeň hereket edýän gurnaklaryň biri bolsa “Hazyna Show” žurnalistika gurnagydyr. Bu şol gurnak mekdebiň mugallymy bolan Goçmyrat Baýramow taparyndan esaslandyrylýar.
Žurnalistika gurnagy, özleriniň mekdebinde bolup geçýän wakalary, täzelikleri, üstünlikleri we gepleşikleri mekdebiň okuwçylaryna ýetirmegi maksat edinýar. “Hazyna Show” gurnagyň ilkinji agzalary 97-nji orta mekdebiň okuwçylary bolan Dawut Gurbanow, Oguljan Nuryýewa we Kerem Jumalyýew tarapyndan köp işler bitirildi.
“OguzRobot” we “Hazyna Show” gurnaklaryň öz işlerinde ýetýän üstünliklerini 2022-nji ýylyň Maý aýynyň 7-ine Aşgabat şäheriniň dil derslerini çuňlaşdyryp öwredilýän 97-nji mekdebinde geçirilen “Tehnologiýalar Şüweleňi” subut edýär. Geçirilen bu ýaryşda gelen myhmanlar diňe bir OguzRobot gunagynyň okuwçylary tarapyndan oýlanyp tapylan täze taslamalar bilen tanyşman eýsem, geçirilen aldym-berdimli robot ýaryşlaryna tomaşa etdiler hem-de “Hazyna Show”-yň gurujysy bolan Goçmyrat Baýramow bilen bilelikde gyzykly gepleşikler geçirdiler.
Teswirler