20-nji maýda Türkmen döwlet binagärlik-gurluşyk institutynda “Materiallaryň garşylygy” dersi boýunça Halkara açyk internet olimpiýadasy geçiriler. Ders bäsleşigi ýurdumyzyň we daşary ýurtly talyp-ýaşlaryň gatnaşmagynda geçiriler. Bu barada turkmenistan.gov.tm saýty habar berýär.
25-nji maý güni Türkmen döwlet binagärlik-gurluşyk institutynyň döredilmegine 10 ýyl dolýar we Aşgabat şäheriniň günine gabat gelýär. 25-nji maý güni institutda medeni çäreleriň birnäçesi geçirilmek meýilleşdirilýär.
Olimpiýada gatnaşmak isleýänler institutyň resmi web saýtynda registrasiýa işlerini geçirip bilerler. Ýeňijiler we baýrakly orunlary eýelänler iň köp utuklaryň sany boýunça kesgitlener we degişli derejeli diplomlar bilen sylaglanarlar.
Tawus DURDYMYRADOWA,
Döwletmämmet Azady adyndaky
Türkmen milli dünýä dilleri institutynyň
Ýewropa dilleri we edebiýaty fakultetiniň talyby.
Teswirler