Ýurdumyzda Türkmenistanyň senagatçylar we telekeçiler birleşiginiň 14 ýyllygy mynasybetli sergi guraldy. “Bagdan” haryt nyşanly hususy kärhanasy özüniň iň ýokary hilli lokumlaryny, gury iýmişlerini, burçly çigidini, süýjüliklerini sergä çykaryp, köpçülige tanyş etdi. Geçirilen sergide kärhananyň ýassyjak, trubka köke we wafli önümleri ilkinji gezek çykaryldy.
Ahal welaýatynyň Ak bugdaý etrabynda ýerleşýän konditer, mekgejöwen çipsilerini we maňyzlary öndürýän bu kärhana 2017-nji ýyldan bäri hereket edip gelýär. Bu ýerde mekgejöwen çipsileridir taýajyklary, gowrulan, şekerli, künjüli arahisler we beýleki önümler dürli ölçegdäki gaplara gaplanylýar.
Häzirki wagtda “Bagdan” lezzet nyşanly hususy kärhanasynyň önümlerini ýurdumyzyň dürli dükanlaryndan alyp bolýar. “Bagdanyň” pisseli, kokosly, dürli miweli, gök önümli, ir-iýmişli, gawunly, gülli, künjüli we garyşyk görnüşli süýjülikleri alyjylaryň islegli önümleridir. Bu kärhananyň önümleriniň meşhurlygy ýylsaýyn artýar. Muňa çips önümleriniň Gazagystana, Owganystana we beýleki daşary ýurtlara eksport edilmekligi şaýatlyk edýär.
Ýulduz BABAMYRADOWA,
Türkmenistanyň Daşary işler ministrliginiň
Halkara gatnaşyklary institutynyň 2-nji ýyl talyby
Teswirler