Kosmosdan internet bilen üpjün etmek isleýän “Amazon” kompaniýasy ýakyn ýyllarda 3 müňden gowrak hemrasyny orbita iberer.
Elon Muskyň eýeçiligindäki “SpaceX” ýakyn ýyllarda jemi 42 müň “Starlink” hemrasyny kosmosa uçurmagy meýilleşdirýär we hemra internetini bütin dünýä birikdirilmegi maksat edinýär. Ulanyjylara uçurjak emeli hemralary bilen internet hyzmatyny hödürlemegi maksat edinýän başga bir kompaniýa “Amazon”, 10 milliard dollardan gowrak maýa goýum bilen 3,236 internet hemrasyny uçurmagy meýilleşdirýär.
Federal aragatnaşyk komissiýasy (FCC) “Amazon”-a soňky ýyllarda internet hemralary üçin zerur rugsatlary berdi. Komissiýa hemralaryň ýarysyny uçurmak üçin 2026-njy ýyla çenli ABŞ kompaniýasyna ygtyýar berdi. Bu emeli hemralar Jeff Bezosyň “Blue Origin” Amerikanyň Birleşen Ştatlarynyň “Launch Alliance” we Ýewropanyň “Arianespace” kosmos raketalary tarapyndan uçurylar.
Amazon müşterilerine internet hyzmaty üpjün etmek üçin niýetlenen orbitasyna azyndan 578 hemra gerek.
Halkara telekommunikasiýa birleşiginiň maglumatlaryna görä, dünýä ilatynyň 37 göterim ýene-de internet ulanyp görmedi. Şol sebäpli “Amazon” kompaniýasy interneti doly üpjün etmek üçin ähli mümkinçiliklerden peýdalanar.
Arzygül ÇANGLYÝEWA,
Döwletmämmet Azady adyndaky
Türkmen milli dünýä dilleri
institutyň talyby.
Teswirler