Çarşenbe güni Kazan Federal Uniwersitetiniň Imperial Köşgünde “Kazan Model UN 2022” -niň açylyş dabarasy boldy.
Bu çärä Tatarstanyň paýtagtynda akkreditasiýa edilen Türkmenistanyň, Gazagystanyň, Özbegistanyň, Eýranyň Baş konsullary, Russiýa Birleşen Milletler Guramasynyň birleşiginiň taslama koordinatory, Russiýanyň Daşary işler ministrliginiň MGIMO-nyň esasy hünärmeni Geňeşiň başlygy Farida Gafarowa, Russiýanyň Daşary işler ministrliginiň ýaş diplomatlar geňeşiniň başlygy Konstantin Kolpakow, KFU-nyň Daşary gatnaşyklar boýunça rektorynyň orunbasary Timirhan Alişew, BMG-nyň Kazan Model Baş sekretary S. Utkin we beýlekiler gatnaşdy.
Russiýa Federasiýasyndaky Türkmenistanyň Baş konsuly Atadurdy Baýramow, beýleki ugurlar bilen bir hatarda BMG-nyň çäginde alyp barýan Türkmenistanyň daşary syýasatynyň esasy ugurlaryny hödürledi. Orient.tm internet saýtynyň habaryna görä, maslahata gatnaşyjylar 4-nji aprelde Türkmenistan bilen Russiýa federasiýasynyň arasynda diplomatik gatnaşyklaryň ýola goýulmagynyň 30 ýyllygy mynasybetli geçiriljek KFU-nyň Halkara gatnaşyklar instituty bilen bilelikde Baş konsullyk tarapyndan geçirilen ylmy we medeni çärä çagyryldy.
Mundan başga-da, dürli gyzyklanmalary, duruşlary we pikirleri kesgitlemek üçin bäsdeşlikler we çekişmeler üçin özboluşly platforma bolan Kazan Model UN 2022, “BMG Howpsuzlyk Geňeşi”, “Halkara Kazyýeti”, “UNESKO”, “UNEP”, “Ýaragsyzlanmak boýunça komissiýa”, “BSGG” atly alty sany komitetde şul sapaklar boýunça işini dowam etdirdi.
Aýsoltan SAHATOWA,
Döwletmämmet Azady adyndaky
Türkmen milli dünýä dilleri institutynyň uly mugallymy.
Teswirler